吉叔 (1)

今天終於到我去睇吉叔。我早上去攞籌時，見到佢鬧到個女病人喊。雖然我不知道他們的談話內容是什麼，但此情此景令我覺得見吉叔好有壓力。本來打算下晝單拖去輪候，結果我都要老公陪我去，壯下膽。

這是我第一次見吉叔，好彩佢嘅問題我全部都答得上，所以無驚無險，五分鐘開完藥方就走得。問題都係問「今天經期第幾天？」「通常經期幾多天？ 」，我懶醒帶埋體温表去，點知佢睇都無睇過，就叫我一星期後覆診。唔可以遲亦唔可以早，七日後再見。吉叔給我的藥是幫助促進子宮健康，藥方如下：

山萸        甘草        鹿茸        浙貝        魚古        玉桂皮

大黄        黨蔘        雲苓        火麻仁     羊藿葉     首烏

我帶此方到協德榮執藥，盛惠每劑46元。

《吉叔湯》材料

別外，吉嬸叫我同老公記得要飲《吉叔湯》，加瘦肉、花膠、蠔鼓一齊煲兩個鐘，一個星期最少飲兩次，老公要食晒啲蠔鼓，話會快啲造人成功喎。我去藥材舖買咗包預早執好嘅《吉叔湯》，內含黨參、雲苓、淮山、杞子、蓮子、百合、南北杏、圓肉，都屬家庭常用藥材，可能平時大家都有飲這些材料煲嘅湯。既然係咁，我應該唔會再專登去買這湯包。