跪地綁手 可怕的體罰

蘋果日報2013年5月8日頭條

我見到呢張相，只想起拉登，或壞人準備槍斃人質嘅情景。

如果我知道有人咁樣對我嘅小朋友，我一定癲。我咁辛苦先生得出個BB，佢被人咁樣侮辱(屈膝之辱)，我一定會不惜一切追究。

我明白，好多嘢父母和老師睇法未必一樣，小朋友有時會無所適從。我會教我嘅小朋友，在家要尊重父母，返學要尊重老師。小朋友頑皮的時候，我寧願老師打手板或罰企，都唔接受用這個方法懲處。

我自小被教育，只能跪長輩、父母、祖父母；其他人，絕不能跪。正所謂男兒膝下值千金，在學校被要求下跪已經無可能，還被綁手，No、 No 、No， 攪錯晒。

 

玫瑰崗學校給家長的信

學校例牌否認，又話有校規講明唔可以體罰。但今次擺明有人走法律罅 － 跪地綁手算唔算體罰？最慘係身體無傷痕，但被人影相、被人取笑，對小朋友心靈必然會帶來多少負面影響。

學校又話課室內有多過一名老師，咁點解無人阻止事件發生，仲可以影到如此清楚嘅照片？

我唔想假設這張相嘅真偽，但對小朋友做出這種事的這個人 － 肯定係成年人，有可能係老師、父母、工人姐姐、等等？！這個人，不論在甚麼情況下，都不應該再照顧小朋友了！各學校、補習社、托兒所，你們心知肚明這是誰，請你們不要聘用他了。如此可怕、沒愛心的人，真的不適合這類工作！