嬰兒沐浴露及洗髮露

做阿媽難，做新抱亦難。BB未出世，長輩A就千叮萬囑，話無論BB皮膚好唔好，有無濕疹，都一定要用金銀花水同BB沖涼。佢話金銀花水可以防濕疹、尿疹，寧可信其有不可信其無，沖咗對我同BB無害，仲買咗一大包金銀花來我家。

我嘗試上網做資料搜集，都找不到太多令我信服的說法。我亦去過幾家老字號的藥材舖，請教過幾個老醫師，他們對「金銀花水沖涼可以防濕疹」聞所未聞。

到BB出世，皮膚正常白滑，長輩B和陪月芬姐都極力反對用金銀花水同BB沖涼。怕農藥、怕無啦啦整撻疤。

好彩我不是和長輩同住，結果我同芬姐連續幾日準備一盆金銀花水，扮同BB沖涼，影張相，萬一長輩A問起，都有相為證。

I am a reasonable man，唔會麻木認為長輩講嘅嘢就係錯，但請用理由來說服我。我認為用金銀花水沖涼是不能預防濕疹的；原因是濕疹的成因是敏感，而金銀花不論內服抑或外敷都不是抗敏藥。

當然，金銀花亦不會致敏，不會令濕疹情況變差（藥材表面的農藥另計）。有不少護膚品大牌子都有推出含金銀花、菊花或薄荷等成份的所謂防敏用品。原因是塗上含此等成份的用品，能令痕癢皮膚表面感覺涼快一點，甚至有止痕作用；但它們本身沒有殺菌消毒功效，並不能讓痕癢或敏感皮膚痊癒。

對於BB幼嫩肌膚，我絕不會隨便用坊間流傳的偏方或用品幫他沖涼。貴唔一定好，我比較相信科學，也相信消費者委員會報告的認受性。他們於2010年11月為50款嬰兒沐浴露及洗髮露作測試，區區幾十元的英國Simple嬰兒清潔保濕二合一(不澀眼睛配方) 為5星產品。此產亦聲稱是含菊花成份的。



Simple嬰兒清潔保濕二合一(不澀眼睛配方)



我就是由BB出世至今都用此二合一配方淋浴洗頭，So far so good。