我要生BB！

本來我對於要唔要BB採取順其自然的態度。最好就有啦，因為我覺得有下一代人生至圓滿。我年紀唔算大，加上身體一直都無乜問題，所以我諗應該只係時間問題啫。

突然想要BB，是2011年3月頭的一次例行婦科檢查中，醫生說我患了卵巢多囊症。我對這個病都略有所聞，因為我有位好想生仔的朋友早我一個月知道自己得了這病，然後從此戒甜戒澱粉。好可怕。

雖然醫生說我情况輕微，無比藥我，叫我乜都唔駛做，試三個月後都無好消息才返去覆診；但病始終係病，我好難唔上心。

呢個病基本上無得醫。雖然唔係絕症，但間接直接話比我聽兩件事：(一)可能以後無得生，(二)可能遲啲會有糖尿病。我係緊張大師，無嗱嗱話我可能以後無得生，我好唔開心。就係咁，我好恨生BB。於是我瘋狂上網揾方法，希望在病情惡化前可以生到。