珠海

因為怕隨時bingo，所以放假都唔敢買定機票去旅行。聖誕新年想出外，惟有從海陸兩路進行。話說我Day 3去過見吉叔，佢話果朝有個女仔去見佢，有咗BB無去安胎，仲喺9 weeks時去日本旅行，結果11 weeks小產咗。慘。

我上次有咗，西醫都叫我第一個trimester千祈唔好去旅行，於是訂好嘅北京package浪費咗，連我等咗廿年嘅NKOTB演唱會都無去睇，結果都小產，感覺真係有口難言。以後我只能加陪小心。

言歸正傳，假期我去咗珠海。好少人會選這個地方渡假，嫌佢無乜景點，會悶。我哋去珠海，只係為咗relax吓同飲飲食食，在此我介紹一下。

我哋住喺中邦藝術酒店，離九州港碼頭大約5分鐘車程。酒店開業兩年，好新淨，有泳池、有Gym、有中餐及西餐廳，大堂仲有間Starbucks，九成房間都有海景，算係咁。

酒店自助早餐

飲食方面，我哋主要選比較高檔的食肆，感覺干淨衛生啲。雖然酒店包自助早餐，但我們只吃過一次，其餘的日子我們都去了飲茶。

號稱全珠海最高級的唯靈東方食府超旺，早一天打去又不接受訂位，雖然地方頗大，有兩層高，但結果我們還是等了一個小時，才免强被安排在上層大堂加張枱飲茶。我哋同當地朋友，六大人兩小朋友，叫咗大約20個點心，食物水準Ok啦，埋單剛好RMB400，可以一試。

比較上，月季軒(情侶南路305號；電話：756-8183382)的點心較合我口味。餐廳裝修骨子，點心選擇也很多。我十分推介。不過價錢頗貴，兩個人飲茶都要RMB276，屬香港價。

我最喜歡的是名蘑生態園(吉大路2號國際會議中心2樓；電話：0756-8123113)。就在酒店附近，主要食菇火鍋，當然亦有肉類選擇；一人一鍋。以往我已來過很多次。以前它叫小背萎，是連鎖店，在藍天酒店裡，現在搬了來吉大區亦改了個新名，地方好像降格了，但食物質量仍保持得很好。

另外，不得不去的還有李錦記客家菜館，是連鎖式平民飯堂。他們的水晶雞和炆釀豆腐都做得很出色。地址：香洲區興華路38號紫荊豪庭對面；電話：0756-2217478。

飯後甜品和咖啡，我們就比較喜歡杰克魔豆咖啡生活館。地址：香洲區九洲大道東1135號綠茵豪庭；電話：0756-3231971。

以上就是我今個假期的得著 ，如有趣不妨去珠海試試。