第二次IUI

這是小產後第5個Cycle。我已經無再量體温了。其實量體温根本不能預測排卵期，只係排卵日過咗，然後體温升高，那時就知道唔駛再嘥力do do。量體温反而能準確預測經期，每次見到體温跌咗，知道又造人失敗時，就好大壓力、好唔開心。既然我已量了半年，知道自己每次排卵都在Day 14前後，咁我就無為再嘥心機了。

放完假，Day 13回婦科西醫處照超聲波，意外發現左右兩邊卵巢都有粒20 mm大嘅卵。醫生問我點解會咁，我都唔知，可能放假輕鬆啲，卵都好啲啩！幾個月都未見過左邊有卵喇，好開心，証明卵巢唔係廢咗，希望兩粒一齊排，比我有多個機會啦。醫生即刻幫我打咗Trigger Shot (Ovidrel 250mcg)，Day 14下午做iui。

做iui時，醫生有照多次超聲波，見到右邊粒卵已經排咗出嚟，等緊老公啲材料；左邊果粒就在排與不排之間，醫生話機會五五波，希望有奇跡啦。