BB出世了

我生咗喇！百搬滋味在心頭。

開刀生其實無乜感覺，過程我之後再補充。

老公有入產房陪產。半身麻醉後，我躺在手術床上，下半一直有塊布遮住，根本唔知醫生做緊乜。老公本來好緊張，但這邊廂佢見我神情振靜又無呼叫，那邊廂醫生又話佢可以隨時企起身睇住BB出世；我都估唔到佢咁大膽，最終親眼見證了BB離開母體，呱呱叫剎那時刻。感動。

醫生即時舉起BB給我看了一眼。見到他四肢五官健全，無胎痣又識喊，我就安樂晒。老公也隨即「離我而去」，跟著助產侍到手術室內另一張床檢查BB。

我被推回房間休息，很疲累。BB有醫護人員照顧，應該很安全。我仲插住喉，落唔到床，只靠老公定時到育嬰室探BB時影相給我看。再見到BB真身已經差不多係手術後20小時，醫院想我試餵人奶時的事了。