嘉諾撒醫院二人房

我唔想寫到個Blog有政治味道，我亦唔係梁粉，但梁振英出招叫停明年私院接收雙非的配額似乎真的解決了不少我這等本地孕媽媽的煩腦。

龍年效應，多人生仔。前文講過我證實懷孕6星期，醫院就要我比HK$20,000留位費，好商業化。我有朋友5月生的時候，Check-in時大房(即二人、三人、四人及六人房)full晒，結果要入住單人房，埋單大失預算。我目標係住二人房，算係走中上路線，無單人房咁貴，又無其他大房咁多人出入。一直都擔心最終要住單人房，無奈要作好財政準備。

在梁特首出招後，10月中我Check-in時，二人房有Vacancy。即時入住，安樂晒。我個Roomate係個內地孕婦，她順產，住三天就出院。之後就無人再入來住。我開刀生，住五天，變相我有兩天獨霸成間房。當然我唔會有住單人房嘅待遇啦。

住單人房係最好嘅（註：另有豪華房）。嘉諾撒醫院只會推BB入單人房見媽媽。BB可留在房間內陪住爸媽，甚至見見親友。其他媽媽就要自己行去育嬰室餵BB，親友就隔著玻璃在指室時間內才可見BB。

我同我朋友都係用同一個婦科醫生，同一個麻醉師，開刀生，老公陪產，住五天。分別係房間級數。單人房埋單大約14萬，二人房埋單9萬6。

我覺得係梁特首幫我慳咗錢。